Bat egin Gorbeiarekin; helmuga ekoturistikoa

Gorbeialdea paradisua da, besteak beste, ekoturismoan aritzeko. Hona hemen bi eguneko plan bat Euskadiren bihotz berdeaz gozatzeko.

1.EGUNA, GOIZEAN

Lehen eguna hasteko, Bitorianora joango gara, eta hortik Oroko santutegira joko dugu antzinako bide nahiko errazetatik. Zuiako haranaren bista paregabeez gozatuko duzu bidean. Goiz osoa emango dugu 6 km inguruko ibilbide honetan: Wikiloc ibilbidea.

Bazkaldu aurretik, Sarriara joan zaitezke, Gorbeiako Natura Parkeaz gehiago jakiteko; Euskadiko handiena da. Bi jarduera horien ondoren, inguruetako jatetxeren batean bazkaldu dezakezu. Aukera handia dago.

1.EGUNA, ARRATSALDEAN

Arratsaldea eskualdeko urtegiak ezagutzeko baliatuko dugu. Oinez edo bizikletaz ibiltzeko lekuak, hegaztiak behatzekoak, arrantzan egitekoak, eguzkia hartzekoak edo, besterik gabe, arnas eta atseden hartzeko lekuak dira. Ingurunearekin bat egiteko unea da.

2.EGUNA, GOIZEAN

Bigarren egunean, goizean goiz Eribe zalditegira joan gaitezke, zaldiekin bizipen paregabea izateko. Gorbeiako paisaiak ikuspuntu ezohiko batetik miresteko modu benetan egokia da. Lauzpabost ordu hartuko dizkigu jarduerak. Komeni da aurretiaz erreserbatzea.

Jarduera eder horren ostean, inguruetako herrietako edozein jatetxe eta ostatutan indarberritu ahalko gara.

2.EGUNA, ARRATSALDEAN

Indarrez bagaude, Uribarri Ganboara joango gara arratsaldean, Urbinako talaiara igotzeko, urtegiaren ikuspegi onenetako bat duelako. Igoera 1,5 km-koa da, baina egiatan merezi du: Wikiloc ibilbidea.

Gorbeialdera egindako bisitari amaiera paregabea emango diogu gailurreko bistekin.

KONTRATA DAITEZKEEN ZERBITZU-ENPRESAK: