Jarrai iezaguzu
Jarrai iezaguzu
Arte eta Kultura
Ondare kulturala
Jasokundeko Andre Mariaren eliza Mutrikuko erdigunean dago eta Gipuzkoako arkitektura neoklasikoaren adibiderik esanguratsuenetakoa da. Balio horretaz jakitun, Euskadiko Monumentu Nazional izendatu zuten. Silvestre Perez arkitekto madrildarraren proiektu bat oinarri hartuta eraiki zuten, baina San Fernandoko akademiako kide ziren bi arkitekto mutrikuarrek egin zuten, Manuel Bizente Lakak eta Mariano Jose Laskurainek. Gurutze greko formako oinplanoa du eta kanpoaldea harlanduz eginda dago. Barruan, hormak harlangaitzezkoak dira eta zutabeak eta arku toralak, aldiz, harlanduzkoak. Eliz atariko fatxada sei doriar zutabek osatzen dute, eta zutabe horien gainean arkitrabea dago. Barruan, ezkerreko kaperan, Francisco de Zurbaranek egindako Kristo gurutziltzatuaren mihise eder bat dago.
Eliza
