Jarrai iezaguzu
Jarrai iezaguzu
Arte eta Kultura
Museoak
Arma Museoak armen erakusketa kronologikoa eskaintzen die bisitariei; historiaurreko armekin eta tresneriarekin hasi eta egungo uniformeetara eta apainduretara iritsi arteko ibilibide liluragarria. Ekialdeko, Arabiako eta Afrika erdiguneko armek ere aparteko lekua dute.
Historiaurreko armen artean, aipatzekoak dira Espainiako, Amerikako eta Afrikako bifazeak eta gezi-puntak. Bildumaren baitan Greziako eta Erromako armak, Erdi Aroko armak, burdin jantziak, ezpatak, arma zuriak, arnesak, Gasteizko Batailan erabilitako elementuak, Arabiako, Afrika erdiguneko eta ekialdeko armak, samuraien armadurak eta egungo uniforme militarrak daude ikusgai.
Asteartetik larunbatera, 10:00etatik 14:00etara eta 16:00etatik 18:30etara. Igandeak eta jai egunak: 11:00etatik 14:00etara. Astelehenak itxita
