Elciegoko Turismo Bulegoa

Mahastizaintzaren zaleek Elciego herria ezagutu beharko lukete. Izan ere, upeltegi ugari aurki ditzakegu bertan, besteak beste, Frank Gehry ospetsuak diseinatutako Marques del Riscal upeltegia.

Udal-liburutegia hartzen duen eraikin berean dago turismo-bulegoa. Elciego eta inguruko herriak ezagutzeko behar den informazio guztia eskaintzen diete bisitariei.

Bisita gidatuek aparteko aipamena merezi dute: 40 minututan parrokia-eliza, jauregi barrokoak eta hirigune historikoa ikusteko aukera izango dute bisitariek.