Euskadi Basque Country
 
Euskadiko Turismo Ataria
euskadi.eus

NABARMENDUAK

 

Euskal kirola

SOKATIRA

Taldearen indarra

Sokatira Euskadin eta munduko beste leku askotan praktikatzen den kirola da. Izan ere, sokatiraren soiltasunak pentsarazten du milaka urteko tradizioa dela eta mendez mende eutsi zaiola munduko leku askotan, besteak beste, Euskadin.

Hemen, lehiaketak bere ezaugarriak ditu. Zortzi kidek osatutako taldeetan praktikatzen da, 560, 640 eta 720 kiloko pisu mugekin, kategoriaren arabera.

?Botileroaren? figurak ahalegina bideratzen du adore oihuekin eta sinkronizatu egiten du, traineru patroi baten moduan. Nahitaezkoa da eta sokatiraren ikuskizunaren parte da.

Soka lodian zinta bat lotu ohi da erdigunea adierazteko eta zenbait marka egiten dira, talde batek bestea ezarritako arraste gunetik kanpora atera duela markatzen duen puntua zehazteko. Desafioak bi tiraldiko txandetan egiten dira, kontrako eremuan jokatzen dira, lurrean egon daitezkeen aldeak orekatzeko. Berdinduz gero, denborak zehazten du talde irabazlea zein den.

Sokatira urtean zehar goza daiteke Euskadiko hainbat txapelketetan. Kirol hau pilotalekuetan eta harrizko lurra dagoen lekuetan praktikatu da tradizionalki; hala ere, nazioarteko lehiaketak daudenez, euskal taldeek horietan parte hartzen dutenez eta horietako ia guztiak belarretan direnez, modalitate hori indarra hartzen ari da. Hori bai, parte hartzaileek gomazko abarka tradizionalen ordez, pieza metalikoak dituzten botak jantzi behar dituzte. 2014ko Munduko Sokatira Txapelketan, Sokatirako Euskal Selekzioa ofizialki lehiatu zen.

Euskadi, auzolana