Mater Itsasontzi Museoa

Mater Itsasontzi Museoa egurrez eraikitakoazken euskal atunontzi handia da. Etxegoien arrantzale familiak eraiki zuen 1990ean, eta 13 urtez antxoak, berdelak, sardinak eta hegaluzeak harrapatzeko erabili zuten. Ondoren Itsas Gela elkarteak ontzia museo bihurtzea erabaki zuen, marinelen ondarea ezagutarazteko. 2005ean ireki zituen ateak Mater Itsasontzi Museoak.

Gaur egun, Mater-ek bere porturatzea Pasaiako badian du, eta benetako itsas ondare bizia bihurtu da. Bi helburu dituen Ontzi EkoAktibo bitxia: euskal artisau arrantza teknika jasangarriak ezagutaraztea eta itsas ingurunearen zaintzari buruz sentsibilizatzea.

Mater ontziak egitarau zabala eskaintzen du ikuspuntu berezi batekin: Pasaia-Jaizkibel-Uliako itsas ingurunea, naturala eta kulturala, ezagutu, maitatu eta zaindu.