Aranguren dorrea

Orozko udalerrian kokatuta, Bizkaiko eraikin garrantzitsuenetakoa da Aranguren dorrea, puntadun arku eta leiho konopialekin apaindutako eraikina. Olarte leinuari estuki lotutako eraikin hau XVI. mendean altxatu zuten. Estilo gotiko eta errenazentista batuz, oin errektangeluarreko egitura dauka eta harlanduzko hormek sendotasuna ematen diote. Dorrea eraiki eta handik mende batera, Rotaetxetarrak egin ziren eraikinaren jabe; hauek, itxura eraberritua eman zioten dorreari, kalitate eta edertasun handiko elementuekin jantziz.