Santa Marina plaza

Santa Marina plaza XVIII eta XIX. mendeen artean eraiki zuten, garai hartan Oñatiko klase ertain eta altuetan sekulako indarra hartzen ari zen espiritu burges eta ilustratuaren ondorioz. Handitasun horren isla dira Antia eta Madinabeitia jauregi barroko dotoreak, XIX. mendeko Moyua Etxea (egungo kultur etxea) eta barrokoaren eta neoklasikoaren trantsizioko Baruekua Jauregi ederra. Areizagako baroiarena izan zen, Peñafloridako kondearen aitaginarrebarena, alegia. Aipamen berezia merezi dute, era berean, plazako iturriak eta jauregien lorategiek.