Olakua dorretxea

Olakua dorretxea XV eta XVI. mendeen artean egin zuten, eta Bidaurretako monasteriotik 200 metrora dago.

Erdi Aroko kutsua duen eraikina da. Jatorrizko arku zorrozdun sarrera mantentzen du oraindik. Azken mendeetan baserria eta errota izan zen. Gainera, bertan bizi izan ziren moja klaratarrak Bidaurretako monasterioa amaitu bitartean.

Duela zenbait urte goitik behera eraberritu zuten. Egun, udal bulegoak daude bertan.