Euskal artzainaren omenezko monumentua

Euskal artzainaren omenezko monumentua Nestor Basterretxea eskultorearen (Bermeo, 1924) artelana da. XX. mendeko euskal eskultorerik onenetakoa da Basterretxea, ezbairik gabe. Izenak berak argi erakusten duenez, euskal artzainen omenez egindako eskultura da. 1998ko irailaren 20an inauguratu zuten. Korten altzairuz eginda dago eta honako esaldi hau irakur daiteke bertan: "Euskal Herriak euskal artzainari".