Foruen enparantza

Oñati Gipuzkoan sartu zenean, udalerriaren egitura zatikatua antolatzea helburu zuen hirigintza-plana jarri zuten abian. Egitasmo horren baitan egin zuten Foruen enparantza. Udaletxea da bertarako eraikinik esanguratsuena. Proiektu hori aurrera eramateko, Mariano Jose Laskurain eta Antonio Kortazar arkitektoek inguru horretan bat egiten zuten errekak eta errekastoak estali eta arkupedun bi eraikin egin zituzten. Ikusmolde neoklasikoari jarraikiz, gainera, pilotaleku bat eraiki zuten, eta hegoaldera jotzen duen aldea zabalik utzi zuten. Foruen enparantzaren aldamenean Lazarraga jauregia dago. Gotikoa zen hasieran, baina XV-XVI. mendeetan zaharberritu eta zabaldu egin zuten.