Arte eta Kultura
Ondare kulturala
Gipuzkoako arkitektura zibilaren adibiderik onenetakoa da Agirre jauregia (Valmar etxea izenez ere ezagutzen da). XV. mendean eraiki zuten herriaren sarreran, ibaiaren aldamenean. Beheko solairua eta beste hiru pisu dituen eraikin sendoa da. Lorategi batek inguratzen du. Fatxada nagusia harlanduz eginda dago, eta leihate zabalak ditu. Gainerako hormak lauak dira. Landutako egurrez egindako teilatu-hegala dauka. Barruko aldea ere ezin hobeto apainduta dago. Eskailera nagusiak, esaterako, egurrezko tailu apartak ditu. Egongela nagusian, berriz, lurreko, hormetako eta sabaiko apaingarriak nabarmentzen dira. Deigarria da, gainera, altzarien ugaritasuna: lanparak, egurrezko kutxatzarrak, koadroak, mahaiak, ispiluak, zutargiak... Eraikinean, Musika-Eskola dago. Halaber, Gure-Kai dantza-taldearen, musika-bandaren eta Aitzuri koruaren lokalak daude bertan.
Jauregia
