Sasiola Dorrea

Erdi Aroan eraikitako Sasiola Dorrea etxebizitza eta gotorlekua izan zen. Oraindik garai hartako zenbait babes-elementu mantentzen ditu. Oinplano angeluzuzena du eta fatxada nagusia harlanduzkoa da. Gainera, jatorrizko leiho zorrotz batzuk eta antzina babeserako erabiltzen zen azken solairuko egurrezko hegalari eusten zioten harrizko irtenguneak ditu. Egurrezko hegal hori ez dago egun. XX. mendean, eraikina eraberritu eta etxebizitza pribatuak eraiki zituzten bertan.