Santa Katalina ermita

Eliza honi buruzko lehenengo datuak 1539koak dira. Mende luzez iparraldeko bidetik Santiagora zihoazen erromesen joan-etorrien lekuko izan da. Izen bereko mendiaren tontorrean dago, Itziarrera bidean. Kostaldearen eta Debako hirigunearen ikuspegi ezin hobea eskaintzen du. Atseden hartzeko, paseatzeko eta ikuspegi dotoreez gozatzeko leku aparta da. Duela urte gutxira arte, erromeria jendetsuak egiten ziren Santa Katalina ermitan San Joan eta Santa Katalina egunean. Egun, ordea, San Joan egunean (ekainak 24) soilik egiten da meza.