Errotazar zentral hidroelektrikoa

1910ean Errotazar errekako urak erabiltzeko baimena jaso zuen Flora L. De Heredia andereak eta orduan eraiki zuten zentral hau. Horretarako, inguruan zegoen errota zahar bateko ur hoditeria erabili zuten. 

Urte batzuk geroago, 1937an, Hijos de Mendizabal enpresaren esku gelditu zen. Enpresa horrek Durangon zeukaten fabrika bat argi-indarrez hornitzeko erabili zuten energia. 

Gaur egun, jatorrizko elementuak gordetzen ditu zentralak: ura jasotzeko sistema, depositua, hoditeria eta turbinak. Zentrala itxita egoten da normalean, baina deituta bisita gidatuak egiteko ordua eska daiteke. Horietan, XX. mendeko zentral txiki hauek nola funtzionatzen zuten azaltzen dute.