San Severino eliza

San Severino eliza, XV. mendekoa, Balmasedako plaza nagusian dago.

Eraikina gotikoa da baina, XVIII. mendean hainbat elementu barroko gehitu zitzaizkion. Barrutik estilo gotikoa da nagusi. Hiru nabetan dago banatuta, erdikoak buru poligonala du eta bertan beirategi ederrak ditu. XIX. mende amaierako Cavaille - Coll organo bat ere gordetzen da elizan. Hiru kapera ditu, garrantzitsuena Kristo Santuarena da; erretaula plateresko bat du.

Kanpoaldea eta dorrea 1730ean berriztatu zituzten eta orduan jarritako hainbat elementu barroko ikus daitezke.