Arkupeko pasealekua

Arkupeko pasealekua Justo Antonio Olagibel arkitekto gasteiztarrak egin zuen 1787 eta 1802 artean. Arkupeek eta balkoiek osatzen duten ibiltoki neoklasiko bikaina da.

Monumentu Historiko-Artistiko izendatu zuten 1984an. Arabako hiriburuaren erdi-erdian dago eta alde zaharraren eta hiri modernoaren arteko lotura da. Bi zati ditu: San Frantzisko aldaparen gainetik bat, eta San Migel elizaren azpitik bestea.

Gasteizko Plaza Berria eta Arkupeko pasealekua Erdi Aroko hirigunearen eta zabaldune neoklasikoaren arteko aldea orekatzeko egin zituzten.