Sukam

Bizkaiko Zubiaren enparantzan dago SUKAM, lokal moderno, atsegin eta eroso batean. Leihoetatik transbordadore zubia ikusten da. Barnealdean, ageriko sukaldea dauka eta suak martxan ikusteko aukera ematen du. Horrez gainera, hormetako batean artelan txiki bat ikus dezakegu mural gisa. Plater tradizionalak, hala nola bakailaoa edo buztana, nahiz gaur egungo platerak aurki ditzakegu, hau da, teknika gehiago dutenak, eta kasu batzuetan ekialdeko ukituak dituztenak, teriyaki saiheskia esaterako.