Goya gozotegia

1886an ireki zuen Manuel Goyak bere lehen gozotegia Gasteizen, gaur egunera arte iraun duen eskulan bikaina abiatuz horrela. Ondoren, bost belaunaldik jarraitu diote tradizio horri eta, ondorioz, Euskadiko gozotegi ezagunenetakoa da egun Goya gozotegia. Bestalde, gozotegi honetako berezitasun ezagunenak "Vasquitos" eta "Nesquitas" delakoak eta trufak dira. Gabonetan, turroiak ere egiten dituzte, hogei bat turroi mota. Halaber, urte guztian egiten dituzte pastelak eta gozoak. Egun, postreak eskuz egiteko modu tradizionala mantentzen dute, baina teknologia berrien laguntzarekin, produktuen zaporea eta kalitatea mantentzeko, alegia. Dato kalean dauden dendez gain, Gasteizko honako guneotan ere baditu dendak Goya gozotegiak. Gasteiz Etorbidea, 45 eta 78 -Gasteiz-(945 240 657) Ortiz de Zarate kalea, 6 (Lehengo lanlekua) -Gasteiz- (945 258 285) Bulegoak eta lanlekua: Barratxi, 35 -Gasteiz- (945 128 059) Ordutegia: Egunero: 09:30 - 14:00 eta 17:00 - 20:00. Oharrak: Gozotegiaren webgunean eskaerak egin daitezke. Aparkalekua: Goya gozotegia Dato kalean dago eta handik hurbil aparkatzeko TAO guneak daude; halaber, lur azpiko aparkalekuak ere badaude inguruan (ordaindu egin behar da), Arca kalean eta Dendaraba merkataritza gunean, hain zuzen.