JARDINES DE ULETA Hotel-apartamentua ****

Armentia (Gasteiz) auzoan, ingurune ezin hobean, dagoen ostatua da Jardines de Uleta.

Hotelik onenek eskaintzen dituzten zerbitzuak etxe baten erosotasun eta handitasunarekin uztartzen ditu. Tamaina desberdinetako ehun apartamentu inguru ditu, sukaldearekin, egongelarekin eta bainugela bat edo birekin. Horrez gainera, bezeroek bista ikusgarriez gozatzeko parada izango dute bertan. Familiarekin oporretan joateko edo lan-bilerak nahiz ospakizun bereziak hartzeko egokia da oso.

Sukaldaritza tradizionala jorratzen duen jatetxea, kafetegia, aparkalekua, delicatessen produktuak saltzen dituen denda eta bilera nahiz bankete aretoak ere baditu.

Eraikin osoan Interneteko Wifi konexioa doan erabil daiteke.