VILLA ITSASO Hotel-apartamentua ***

Arkitektura-balio handiko eraikin historikoan dago Villa Itsaso hotel-apartamentua. Lehen txalet neoeuskalduna da, XIX. mende bukaeran eraikia. 

Orain gutxi zaharberritu dute, bisitarien erosotasuna bermatzeko zerbitzu guztiekin. Hotelaren musealizazio xumea egin dute, eraikinaren balio arkitektonikoak eta Euskal Herriko kostaldean Itsasoko Turismoaren hasierarako izan zuen garrantzia nabarmentzeko. 

Logelak alokatzeko aukera eskaintzen du, gosari zerbitzuarekin. Itsasoaren ondoan dago hotel-apartamentua, Karraspio hondartzatik oso hurbil eta Lekeitio Erdi Aroko herritik oinez 5 minutura. Horrez gainera, eremu argitsu ugari mantendu dituzte, guztiak itsasoari begira.

Lau apartamentu jartzen dituzte bezeroen eskura, logela bikoitzekin, egongela batekin eta honako zerbitzuokin: telebista, Internet konexioa, berogailua, aire girotua, sukaldea eta bainugela (50 metro karratu baino gehiagoko azalera du apartamentu bakoitzak). Lorategiak, terrazak, aparkaleku pribatua, txokoa, liburutegia eta WIFI konexioa ere eskaintzen ditu. Oinez hondartzaraino joan gaitezke.