Talo tailerra eta bisita gidatua Igartza Monumentu Multzoan

Jarduera honen bitartez, lekuaren historia lantzeko bisita gidatua eta taloak egiteko jarduera tradizionala elkartu nahi dira. Bisitari kanpoaldean ekingo zaio, Igartza Monumentu Multzoaren zubiaren ondoan.

Gidariak monumentuen eraikuntzaren testuingurua azalduko du, XIV. mendearen amaiera, bai eta monumentuen arkitektura ezohikoa ere. Mendeetan, monumentu multzoaren eraikinik garrantzitsuenetako bat errota izan da; han, irina, ogia eta, noski, taloak, egiten ziren.

Ondoren, gure taloa egin ahal izango dugu modu tradizionalean, eta, jakina, berau dastatzeko aukera izango dugu, txokolatearekin.