Euskadi Basque Country
 
Euskadiko Turismo Ataria
euskadi.eus

NABARMENDUAK

 

Surfeko arauak

Surfing EuskadiOlatuak eta itsasoa naturaren indarrak dira eta surfa ahalik eta modurik seguruenean praktikatzeko errespetatu egin behar dira eta funtzionamendua ezagutu behar da.

Ezagutu zure mugak eta errespetatu beti hondartza bakoitzeko segurtasun-adierazpenak.

Hondartzetako segurtasun-arauak eta surfa
Segurtasuna surfean

Surfing Euskadi - Aztertu baldintzak
- Egiaztatu surfeko ekipoa
- Ez praktikatu inoiz surfa bakarrik
- Zure mailaren arabera praktikatu surfa
- Errespetatu surfeko jarrera-kodea
- Ez nahastu surfa alkoholarekin eta drogekin
- Ez praktikatu surfa gauez
- Jan ondoren, itxaron gutxienez 30 minutu uretara sartu aurretik
- Zaindu deshidratazioa eta hipotermia
- Zure burua arriskuan ikusten baduzu, eduki ohola zugandik gertu beti.
- Ezagutu hondartzako segurtasun-arauak
- Luzatu surfa praktikatu aurretik

Segurtasuna hondartzan

Surfing Euskadi

- Jarri arreta sorosleek adierazitakoari bandera gorria, berdea...
- Aztertu hondartzako baldintzak
- Aztertu korronteek nola funtzionatzen duten
- Korrontean sartzen bazara
- Hartu klaseak surfa praktikatu aurretik
- Ezagutu segurtasun-arauak eta surfeko kodea
- Zaindu zure gauzak
- Ezagutu sorosleen kokapena eta haien ordutegia

Surfeko jokabide-kodea

Surfing EuskadiSurflariaren jarrera-kodea idatzi gabeko surfeko legeak definitzen ahalegintzen diren hainbat arau unibertsalek osatzen dute, surfeko praktika segurua bermatze aldera. Kode hori surflari guztiek jarraitu behar dute, maila albo batera utzita.

Zure segurtasunerako, jarraitu arau arrunt horiek.

Surfing Euskadi

Ez saltatu olatuak (Drop in)
Olatua lehertzen den tokitik gertuen dagoen surflariak izango du lehentasuna. Itxaron zuren txanda lineup-ean. Hasiberriek ez dute lineup-eraino joan behar, olatuak kontrolik handienarekin hartzeko gai direla seguru egon arte. Lineup. Olatuak lehertzen hasten diren eremua.
Lineup-erantz arraunean egitea
Ez egin arraunean lineup-erantz olatuak lehertzen diren aldetik, hau da, beste surflariak etor daitezkeen aldetik. Olatuan datozen surflariek izango dute lehentasuna beti.
Komunikazioa
Olatua hartzen duzunean, jakinarazi beste surflariei zer asmo duzun eta zer noranzko hartuko duzun.
Ez askatu zure ohola
Heldu ohola olatuak pasatzen dituzunean eta ikasi azpitik pasatzen. Ez askatu ohola inoiz, beste surflariak larri zauritu ditzake.
Errespetatu hondartza eta ozeanoa.
Errespetatu tokiko surflariak, ez saiatu olatu guztiak hartzen eta errespetatu surflari adituenak. Mantendu ozeanoa eta hondartza garbi.

Surfing Euskadi

Euskadi, auzolana