Arabako Txakolina

Amurrio, Araia, Artziniega, Laudio eta Okondoko udalek osatzen duten Arabako Kantaurialdeko eskualdean, Arabako Txakolina egiteko erabiltzen den Hondarribi Zuri mahats mota autoktonoa hazten da.

Ardo gaztea da, lasto kolore horixkakoa, distiratsua, bere mahats motagatik fruta-lurrin indartsukoa eta nortasun handi eta garraztasun orekatua duena. Ahoan suabea eta arina gertatzen da. Bere ezaugarriengatik, oso egokia da itsaski, arrain, haragi zuri, gazta eta abarrekin hartzeko.