Arte eta Kultura
Museoak
Toki Alai, Urkiolako parke naturaleko harrera eta interpretazio zentroa da, eta Urkiolako mendateko pasabidetik 200 metro eskasera dago, Saibigain mendiaren igoeran. Urkiolako panoramika paregabea lortzeko aukera ematen duen ingurune batean, Urkiolako santutegia lehen planoan eta Alluitzetik Anbotora arteko mendilerroa.
Toki Alaik informazioa, hezkuntza eta dibulgazio jarduerak egiten ditu, eta horretarako, erakusketa finko bat du non, besteak beste, hau nabarmentzen den: disekatutako hartz bat, duela 150 urte mendi hauetan bizi izan zen azkena.
Ikasturtean zehar, zentroak bere programa didaktikoa garatzeko ikastetxeen bisitak izaten ditu, eta asteburuetan, berriz, publikoari irekitako jardueren programazioa izaten du; besteak beste, hegaztiak ikuskatzea, perretxikoak identifikatzea edo ibilbide gidatuak egitea.
Halaber, Toki Alai bisitatzen duenak exijentzia maila ezberdineko hainbat zirkuitotako informazioa eskuratu ahal izango du Urkiolako Parke Naturaleko paisaiez eta inguruneez gozatzeko: Anbotoren bueltan dagoen Baltzola bezalako familientzako ibilbide mitologikoak edo Anbotoren tontorrera igotzea.
Toki Alaien kanpoaldean ikaztegien egiturak ikus daitezke (txondorrak). Halaber, ikastetxeek jardunaldiak, konferentziak eta erakusketak antolatzeko erabiltzen duten Letona-Korta baserritik gertu hagin zuhaitz bereizgarriak aurki ditzakegu.
