Txakolingunea Txakolinaren Museoa

Txakolingunea, Txakolinaren Museoa, Bakioko sarreran dago. Hain zuzen, Bakio erreferentea da Euskadiren ezaugarrietako bat den ardo leun, gazte eta fruta gustuko honen lanketan.

Bakioko mikroklimak, itsasoarekiko hurbiltasunak eta lurren kalitateak erraztu dute historikoki mahatsondoen laborantza. Txakolinaren tradizioa XIV. mendearen amaieraz gerozkoa da herri honetan. Bakion ekoizten den txakolina Bizkaiko Txakolina jatorri deiturakoa da, ardo honen Euskadiko hiru deituretako batekoa, alegia. Txakolingunea museoan, ardo honen sekretu guztiak ezagutuko dituzte bisitariek formatu handiko ikus-entzunezko limurtzaileen bidez.

Halaber, ardo honek osasunean nola eragiten duen jakingo dute eta dastatzearen oinarrizko ideien jabe ere egingo dira. Museoa Euskal Kostaldeko Museoen Sarean eta Euskadiko Museo Enogastronomikoen Sarean dago.

Aurretik hitzordua adostuz gero, bisita gidatuak ere eskaintzen dira, eta, besteak beste, Bakioko txakolin kopa bat dastatzeko aukera ematen da.

Bisita guztiak gidatuak dira, 10 petsona baino gehiagoko taldeentzat beharrezkoa da erretserba egitea. Bisitaren barne txakoli-kata dago.