Aizpitta Adieraztegia

Zeraingo historia burdinarekin hertsiki lotuta dago, eta bertako gaur egungo egoera ulertzeko behar-beharrezkoa da iraganean udalerriak meatzaritzarekin izandako harremana ezagutzea.

Aizpitta Adieraztegiak burdina lortzeko prozesuaren nondik norakoak erakutsiko dizkigu, era erraz eta entretenigarrian. Meatzaritzak paisaian, ekonomian, gizartean eta kulturan ere egundoko eragina izan zuen. Aizpitta Adieraztegia Burdinaren Mendiaren (Monumentu Multzo izendatu zuten) parte da, eta bertatik irteten dira Aizpeako meategi ikusgarriak ezagutzeko bisitaldi gidatuak.

Besteak beste, "Polborina" deritzon meazuloa ikusteko aukera izango dugu. Ezbairik gabe, Zeraingo interesgune nagusienetako bat da Burdinaren Mendia.