Aizkorri-Aratzeko parketxeak

Bisitariek baliabide naturalak babesteak duen garrantziaz kontzientzia hartzea du xede nagusi Aizkorri-Aratzeko parketxeak.

Arabako udalerri horretako natura eta bizitzaren inguruko informazio anitz eskaintzeaz gainera, ekosistemen egoera ere aztertzen du. Mitxarro (muxar grisa) izeneko ugaztun karraskari txikiak egiten ditu gidari lanak, eta, ezbairik gabe, museoko protagonistetako bat da.

Gaur egun, galzorian dago animalia hori. Bestalde, XVIII. mendean burdinoletan erabiltzen ziren trenei eta energia hidraulikoari buruzko erakusketa ikusi ahal izango dute bisitariek. Hori gutxi balitz, sukalde zahar baten erreprodukzioa ere jarri dute ikusgai, tresna eta guzti.

Nola ez, naturak toki berezia du museoan: faunari eskainitako atala mitxarroan zentratzen da, eta flora atalean aldiz, Aizkorri-Aratz Parke Naturaleko landareak dira aztergai. Panelei, argazkiei, diaporamari eta jolas interaktiboei esker era dibertigarrian ikasteko aukera izango dugu.