Lazkanotarren jauregia

Lazkanotarren jauregia XVII. mendekoa da, 1620 eta 1640 artean eraiki baitzuten Gaztelako arkitektura ereduari jarraikiz. Lorategi zabal batek inguratzen du. Etxaurrea hiru zatitan bereizita dago. Erdian, armarri handi bat ageri duen ataria dago. Alboetako atalek, ordea, dorre itxura dute.

1921ean egindako azken zaharberritze lanen ondorioa da egitura hori. Barrualdea, ostera, erdian putzu bat duen patio baten inguruan antolatuta dago. Eraikina itxita dago egun.