Maruelezako Oppiduma

Nabarnizko Arrola mendiko lurretan dago Maruelezako oppiduma, eta garaiko gotorleku gunerik nagusiena da, Bizkaian garrantzitsuena. Gainera, Oka ibaiaren inguruko paraje hau aztarnak aurkitzeko leku zeharo aberatsa da, eta argi uzten du babesteko nahiak mota honetako babesguneak eraikitzea ekarri zuela. Babesleku honen gune nagusiak honako hauek dira: harresiz babestutako gunea, eta kanpoko gunea. Halaber, 1983 eta 1986 urteen artean induskaturiko atea ere badu Maruelezak, bi mihise batuz osatutako egitura konplexua, alegia.