Santiago Eliza

Santiago eliza ederra XVI. mendean eraiki eta 1602an handitu eta berreraiki zuten. Estilo errenazentista du. Eliza honen kanpandorreak aurrean duen Valdespina jauregiko dorrearekin bat egiten du, oso antzekoak dira biak. Kanpandorrea barrokoa da, kanpai-gela oktogonala du eta gainean kupula eta pinakulu ditu. Eliza nabe bakarrekoa da eta alboetan kaperak ditu. Erretaula nagusia intxaurrondoaren zuraz egindako lan barroko ikusgarria da, polikromatu gabe dago eta apaindura asko dituen zutabe salomonikoak ditu. Eskultura polikromatuak ditu eta guztien buru Santiago apostolua dago.