Segurako erdigune historikoa

Segurako erdigune historikoa

Arte eta Kultura

Ondare kulturala

Segura oso hiribildu garrantzitsua izan zen Erdi Aroan.

Gipuzkoa eta Gaztelaren arteko bidean dagoenez, jende ugari igarotzen zen bertatik: merkatariak, zaldunak, erromesak, etab. 

Segurak Gipuzkoa osoan ondoen mantentzen den erdigune historikoa du. Horrela, multzo historiko-artistiko ederra osatzen dute bertan biltzen diren eraikuntzek, oinetxeek, jauregiek, eta baita, egun zutik dirauten garai bateko harresiko ate biek ere. 

Udaletxea (Lardizabal jauregia zena), XVII. mendean altxatu zuten; sendiaren armarria du ikusgai hormetako batean. Arrue oinetxeak mudejar estiloko artean egindako elementuak erakusten ditu aurreko horman; horixe da izatez, Gipuzkoan zehar dauden estilo horretako etxe eskasetako bat. Gevara etxea, bere aldetik, Behe Erdi Arokoa da eta egun oraindik jatorrizko atea bere horretan mantentzen du; gainean hiru ezkutu ditu ateak. 

Segura harresiz inguratuta egon zen antzina. Barrura sartzeko ateetako batzuk ikusgai daude oraindik. Erlijio-eraikinen artean, XVI. mendeko Ama Jasokundearen eliza nabarmentzen da. Aparteko aipamena merezi du barroko-rococo estiloko erretaulak.

Datu interesgarriak

Baliabide mota
Eraikuntzak edo egitura interesdunak
Monumentu mota

Erdigune historikoa

Helbidea
- 20214 Segura
Telefonoa
Helbide elektronikoa
Ordutegia

Segurako turismo bulegoak erdigune historikoa ezagutzeko bisita gidatuak antolatzen ditu. 943 80 17 49 telefonora deituz zein posta elektronikoz (turismoa@segura.eus) hitzartu daitezke

Zerbitzuak

  • Bisita gidatuak
Euskadi, auzolana