Alegria jauregia

Gernika-Lumoko hirigunean dago Alegria jauregia, Euskal Herria museoaren egoitza da. 1733. urtean eraikitako jauregi barroko zoragarri honek harlanduzko aurrealdea, burdin hesizko balkoiak eta Allende Salazar sendiaren armarria dauzka. Eraikina Euskal Herriko historiarekin estuki lotuta dago, izan ere, Euskal Herriaren jatorriak eta izandako garapena azaltzen ditu grabatu, maketa eta kartografia bikain baten bidez. Gainera, berreraikitako jauregiak lorategi ederrak ditu inguruan, frantses estiloko parke erromantikoa bata, eta ingelesa bestea.