Uribarriko Andra Maria basilika

Uribarriko Andra Mariaren basilika XIV. mendean eraiki zuten gaur egun kanpandorrea den Arandoñoko dorreari itsatsita. XVII. mendean zaharberritu egin zuten. Alde zaharrean dago kokatuta eta estilo desberdinen nahasketa da, eraikitzean izan dituen bi faseen ondorioa: lehenengoa, 1500. urte ingurukoa, gotiko-errenazentista eta bigarrena, XVII. mendekoa, klasizista-barrokoa. Basilikak egurrezko arkupe ikusgarria du, Euskadiko handiena. Sabaiaren egitura egurrezkoa da, eta arkupea hamaika zutabe sendok, bederatzi pilastrak eta tenpluaren hormek eusten dute. Korua elizaren lehen garaikoa da, bitxia oso, aurrealdean izarrez jositako sabaia baitu eta alboetan eguzkia eta ilargiaren irudiak. Aldare nagusian erretaula errenazentista bat dago, erdian Uribarriko Andra Mariaren irudi gotikoa du, Durangoko zaindariarena.