Kondestablearen dorrea

Kondestablearen dorrea Fontechako herrigunetik oso hurbil dago, Gesaltza Añana eta Gaztela arteko antzinako gatzaren bidean. Solorzanotarrek eraiki zuten eta, gero, Velasco sendiarena, Gaztelako kondestableena, izan zen. Hortik datorkio izena. Defentsarako dorre hau Orgaz dorretxearen garai bertsukoa da, XIV. mende amaieran eta XV. mendean egin baitzuten. 12,30 x 11,20 metroko oinplanoa dauka. Hormek, berriz, 1,5 metroko lodiera eta 20 metrotik gorako garaiera dute. Ondo landutako eta bata bestearen ondoan zuzen jarritako harriz eginda dago. Erabat hutsik dago egun.