Sagarmendi Dorretxea

Tontor batean dago Sagarmendi Dorretxea, Oria ibaiak eratzen duen zuloa azpian duela. Herria Oriatik iritsi zitezkeen erasotzaileengandik babesteko sortu zuten dorretxe zaharretako bat da. Eraikin dotore hau etxebizitza pribatua da egun. Barruan egindako lanek jatorrizko itxura goitik behera aldatu duten arren, jabeek etxearen egitura, kanpoaldea eta Erdi Aroko zenbait ezaugarri mantendu dituzte, gezileihoak, besteak beste. Hiru solairu ditu: lehenengoan garajea dago, bigarrenean bi etxebizitza eta gorengoan ganbara.