Iztuitza dorretxea

Andoain herriaren sarreran, N-1 errepidetik hurbil, dagoen eraikin hau herria Nafarroatik (Amasatik eta Tolosatik barrena) eta Azpeitiatik (Azelain zubia zeharkatuz) iritsi zitezkeen erasoetatik babesteko dorretxeetako bat izan zen.

Estilo gotiko-errenazentista (XV-XVI) duen eraikin handia da. Egun etxebizitza arrunta da. Historian zehar aldaketa ugari jasan dituen arren, elementu aipagarri ugari mantentzen ditu oraindik. Dobelatutako erdi-puntuko sarbidea beherengo solairuan, leiho konopial handi bat lehenengo solairuan eta hiru leiho txiki ganbaran.

Harrizko modiloi txiki batzuetan finkatutako beso ugarik eusten diote teilatu-hegalari.