Areatzako Alde Zaharra

Areatzako alde zaharrean herri eta baserri giroa uztartuta agertzen dira bertako eraikinetan. Arratia ibaiaren albotik doazen kaleetan eraikin erlijiosoak zein etxe tipikoak daude. Monumentu-multzo kategoriako Kultura Ondasuna izendatu zuten 1996an, egun oraindik jatorrizko eraikinetako asko bere horretan mantentzen dituelako. Erdi Aroko herrien ohiko tipologiaren eredu argia da. Hau da, bi kale luze eta paralelo ditu (Bekokalea eta Goikokalea) udalerriko erdigunea iparretik hegora zeharkatzen dutenak eta biak ere, Zubizarra eta Ilargi kale-kantoiek zeharka mozten dituzte. Udaletxearen plazan herriko eraikinik aristokratikoena dago: Gortazar jauregia. Udaletxea berriz, XIX. mendekoa da, estilo neoklasikokoa. Ikustekoa da baita San Bartolome eliza, ataria interesgarria da.