Beizama

Gipuzkoako lurralde historikoan dago Beizama, Urola Erdia eskualdean. Basoz eta mendiz inguratuta dago eta, beraz, kolore berdea da nagusi paisaian. Itsas mailatik 485 metrora dago eta, ondorioz, Gipuzkoako bigarren udalerririk altuena da, Bidania-Goiatzen atzetik.

Ondare kulturalari eta historikoari dagokionez, mende luzez ongi gordetako altxorrak topatuko ditugu Beizaman. Nabarmentzeko modukoak dira udaletxea, hiru arkutako arkupea duen eraikina, eta San Pedro parrokia, herriko eraikinik zaharrena. Errenazentista den arren, hainbat elementu gotiko ditu.

Beizama ingurua

Herriko txokorik ederrenak ikusi ostean, oso gomendagarria da inguruak ezagutzea. Erdigunetik gertu, esaterako, San Lorentzo eta Soledadeko Andra Mariaren baselizak topatuko ditugu. Ondare industrialari dagokionez, errotak, kare-harrobiak eta ikaztegien arrastoak topa ditzakegu inguruko mendietan.

Beizama ekainaren amaieran bisitatzea erabakiz gero, San Pedro zaindariaren omenezko jaiez gozatu ahal izango duzu. Ekitaldiz betetako egitaraua izaten dute eta, gainera, herri-afaria egiten dute. Egun horietan musika eta giro ona nagusitzen dira herrian.