TEILERI Landetxea

Teileri etxea Berrobin dago, Tolosatik 5 kilometrora. Egurrezkoa da, eta bi apartamentutan banatuta dago. Horietako bakoitzak hiru logela bikoitz, bi komun, sukaldea, jangela, telebista duen egongela eta karrerapea ditu. Azken horretan ingurunearen lasaitasunaz gozatzeko parada izango dute bezeroek. Etxea Uzturre mendiaren hegalean dago, Leitzarango Biotopo Babestutik eta Aralar, Aizkorri-Aratz eta Pagoetako parke naturaletatik gertu. Hori dela eta, naturarekin lotura duten jardueretan parte hartu nahi duen ororentzat txoko egokia da.