Jarrai iezaguzu
Jarrai iezaguzu
Non lo egin
Landetxeak
Harriz eta egurrez egindako XIV. mendeko baserri batean dago Pagaigoikoa landetxea. Orain gutxi zaharberritu dute, jatorrizko egitura mantenduta. Bizkaiko txokorik ederrenetako batean dago: Urdaibaiko Biosfera Erreserban. Haritz zahar eta fruta-arbolez inguratuta dago etxea. Sei logela bikoitz eskaintzen ditu, honako zerbitzuokin: telebista, berogailua eta Interneteko WIFI konexioa. Horrez gainera, egongela (tximinia, telebista eta musikarekin), sukalde-txokoa (6 euro lagun bakoitzeko), terrazak eta arkupeak ditu. Lan-bilerak hartzeko ere toki egokia da: bilera-areto handia du, Interneteko WIFI konexioarekin. Bestalde, bezeroek nekazaritza eta abeltzaintza jardueretan har dezakete parte eta baserriko produktuak eros ditzakete (eztia, sagardoa, txakolina, gazta eta ardoa, esaterako). Gosari bikainak prestatzen dituzte (zuku naturala, kafea, ogi txigortua, opilak...) eta inguruko tokirik adierazgarrienak ezagutzeko turismo-informazioa eskaintzen dute.
