ERRETZABAL TXIKI Landetxea

Eraberritutako baserria da Erretzabal txiki. Mendian bertan dago, Orion, kostaldeko herrian. Terraza zabala dauka, mendira eta Oria ibaira begira. Etxea Orioko erdigunetik 1.000 metrora dago eta hondartzatik 1.500 metrora. Osorik alokatzen dute. Lau logela ditu, bainugela bi, sukalde osoa eta egongela telebistarekin. Horrez gainera, lorategia ere badu eta terrazan hamakak, mahaia eta aulkiak ditu, atseden hartu edo bazkari atseginak egin ahal izateko.