PARADOR DE ARGOMANIZ Hotela ****

Larrea Jauregian kokatutako hotela eta paradorea da. Eraikin errenazentista honetatik Arabako lautadaren, Gorbeiako mendizerraren eta Uribarri-Ganboako urtegiaren ikuspegi paregabeak daude. Inguruko naturguneak ezagutzeko aproposa da, baita Argomaniz herri txikia ikusteko ere (Gasteizetik 12 kilometrora). Gasteiz hiriari eraso egin aurretik, Napoleon jauregi honetan egon zen. Eraikinak Larrea familiaren armarria dauka aurrealdean. Barnealdea ere oso dotorea da eta bertan nabarmentzekoak dira egongela zabalak, zoruak, altzariak, kutxak eta egurrezko beste altzari batzuk. Besteak beste, paradorean bilera aretoa, aparkalekua eta jatetxea daude. Jatetxean Arabako jaki tipikoak eskaintzen dituzte.