Etxebarri Erretegia, munduko hirugarren jatetxe onena bigarrenez

Bittor Arginzoniz Etxebarri Erretegiko chef mediatikoak hirugarren postua berretsi du The Wordl’s 50 Best Restaurants zerrendan, non munduko jatetxe onenen lana aitortzen baita. Horrez gain, zerrenda osatzen duten sukaldarien bozketaz ematen den Estrella Damm Chefs’ Choice saria jaso du.

Zerrendako 50 jatetxe onenen artean, izen handiko beste hiru euskal jatetxe daude: Mugaritz, 14. postuan; Elkano, 16.ean, eta Azurmendi jatetxea, 49. postuan.

50 Best lehiaketa 2002. urtetik egiten da, eta 2019ko edizioan jada munduko hirugarren jatetxe onena gisa saritu zuten Etxebarri Erretegia, zeinak Mitxelin izar bat ere badu; urte hartan, Mugaritz, Elkano eta Nerua ere 50 sukaldaritza establezimendu onenen zerrendan agertu ziren.