Bilbo hiri-mugikortasun jasangarriaren hiriburu bilakatuko da berriro

Egun hauetan SUM Bilbao kongresuaren bigarren edizioa burutuko da, hiri mugikortasun jasangarriak Europan eta Iberoamerikan dituen erronkei buruz hitz egiteko. 

 

Erreferentziazko kongresua da nazioartean, mahai-inguru, elkarrizketa eta hitzaldiz osatua. Bertan, erakundeek, liderrek eta enpresek erronkei eta aukerei buruz eztabaidatuko dute, mugikortasun-sistema iraunkorrak sendotzeko helburuarekin. 

 

Bi egunetan zehar, 60 hizlarik baino gehiagok hiru ardatz jorratuko dituzte: trantsizio energetikoa, gobernantza eta finantzaketa eta mugikortasuna, digitalizazioa eta berrikuntza. Biltzarrarekin batera, turismo arduratsu eta iraunkorrari buruzko jarduerak eta informazioa izango dira Areatzan urriaren 7tik 9ra. 

 

Basquetourrek mugikortasunaren eta jasangarritasunaren inguruko bere proposamen turistikoak aurkeztuz eta Areatzan informazio puntu bat jarriz parte hartuko du. Gainera, kongresua amaitzeko, Bilboko Adierazpen berria, mugikortasun iraunkorraren ibilbide-orria, irakurri eta sinatuko da.