Qi Spa Zentroa

Barakaldoko erdigunean dagoen Qi Spa zentroak gorputza eta gogoa zaintzea du helburu. 2005ean ireki zuten, eta instalazio modernoak ditu 500 metro koadroko eraikinean: ura 35 gradutan duen igerileku hidrotermala, ur hotzeko aska, bainu turkiarra, sauna, zenbait dutxa (besteak beste, ur lainoztatuduna, eskoziarra eta esentzia-olioduna), oinak garbitzeko putzua eta erlaxatzeko gune bat musika, infusio eta guzti.

Bestalde, Qi Spa zentroak teknika aurreratuak erabiltzen ditu bisitarien neurrira egindako tratamenduak eskaintzeko: txokolaterapia, ardoterapia, aromaterapia, kromoterapia eta musikoterapia, esate baterako. Horrez gainera, masaje mota asko eta gorputza zein aurpegia liraintzeko tratamenduak ere ematen dituzte.