Zeraingo Turismo Bulegoa

Goierri eskualdea osatzen duten 17 udalerrietako bat da Zerain.

Turismo bulegoan Zeraingo eta inguruetako tokirik adierazgarrienak ezagutzeko bisitaldi gidatuak eta ibilbideak prestatzen dituzte: Larraondoko zerrategia, Aizpeako meategiak, Museo Etnografikoa, Zeraingo Parke Kulturala edo 1771. urtean eraikitako kartzela, besteak beste.

Horrez gainera, turistek hainbat paraje eder eta eraikin historiko ikusi ahal izango dituzte baserri-giroko xarma gorde duen herrixka honetan. Urte osoan zehar zerbitzuak eskaintzen ditu bulegoak, euskaraz, gaztelaniaz, ingelesez eta frantsesez.

Bertoko produktu ugari saltzen ditu.