CASUAL ARRIAGA Ostatu-etxea

Kategoria

Arriaga Suites ostatua Bilboko Alde Zaharrean dago, izen bereko antzokiaren ondo-ondoan eta hiriko interesgune nagusienetatik gertu. Guztira sei suite ditu, eta bakoitzak konpositore ospetsu baten izena darama: Pablo Sorozabal, Jesús Guridi, Andrés Isasi, Emilio Arrieta, J.M. Usandizaga eta J.C. Arriaga. Suite bakoitzak izaera propioa duen arren, guztietan honako zerbitzu hauek aurki ditzakegu: egongela txikia, hozkailua, mikrouhina, ile-lehorgailua, plantxa, telebista, DVD-irakurgailua, Interneteko WIFI konexioa, berogailua eta kutxa gotorra. Eguneroko garbiketa-zerbitzua eskaintzen dute. Xarma handiko txokoa dugu hori, Bizkaiko hiriburuaren bihotza ezagutu nahi duten guztientzako ostatu aproposa.