ARRIZURIETA Landetxea

1858an eraiki eta 2008an goitik behera zaharberritu zuten Arrizurieta baserria Bermeon dago, Urdaibaiko Biosfera Erreserban, oso ondo komunikatuta, naturaz inguratuta egon arren.

Goiko solairuan, logelak daude, bikoitzak, bakoitza bere bainugelarekin. Beheko solairuan, berriz, sukalde-jantoki-egongela eta komuna daude. Landetxeak berogailu orokorra dauka. Halere, logela bakoitzak bere berogailua dauka. Gainera, telebista, DVD-a eta tximinia daude egongelan. Halaber, bezeroentzako beharrezko guztia daukan sukaldea, Wifi-konexioa, liburutegia, joko-mahaia, olgetarako gunea eta berdegunea daude.

Aparkalekua ere badauka. Kanpoan, ostera, berdegunea eta lorategia dituen terraza bat dago. Horrez gain, gosarirako gune bat eta gosaria edo askaria jateko edo besterik gabe hitz egiteko mahai handi bat daude.