Tolosako Zezen plaza

Hirugarren mailako plaza da eta 5.500 eserleku ditu, 5 tendidutan banatuta. Bertan zezenketak, nobilladak eta jaialdiak egiteaz gain, zezen plaza Tolosako Inauteri ospetsuen gune nagusietakoa da. Arratsaldero, Ostegun Gizenatik hasita, eta Inauterietako Astearte goizean, Pattar zezenarekin boladun zezenketak egiten dira. 1903an inauguratu zen Jorge Diazen zezenak ibili zirela, Guerreritok eta Bonarillok toreatuta. Harmailak eta palkoak tendiduen gainean daude eta horrek proportzionaltasuna ematen dio plazari. Gainera, akustika ezin hobea dauka. Hondarrak 37,5 metro ditu eta kailejoiak 1,8 metro. Plazak bi korta ditu eta 7 zezentoki, baita zalditegiak dituen zaldientzako patioa ere.